Tentoi t’i fuste ilegalisht në Kosovë kamionin me 56 copë bagëti në Zubin Potok, ndalohet i dyshuari

Raporton: “Betimi për Drejtësi”

Zubin Potok – Policia e Kosovës ka ndaluar një kamion në fshatin Rudarë të Zubin Potokut.

Sipas raportit 24-orësh të policisë, në këtë kamion gjendeshin 56 copë bagëti, për të cilat pronari i tyre nuk e kishte dokumentacionin përkatës të rregullt, raporton “Betimi për Drejtësi”.

“Njësitë policore kanë ndaluar një automjet transportues (kamion) të cilin e drejtonte i dyshuari mashkull dhe gjatë kontrollit është vërejtur se i njëjti ishte duke transportuar 56 copë bagëti për të cilat nuk posedonte dokumentacion të rregullt përcjellës. Me vendim të prokurorit automjeti transportues me bagëti është dërguar në terminalin doganor, rasti vazhdon në procedurë të rregullt”, njofton policia.

Me vendim të prokurorit automjeti transportues me bagëti është dërguar në terminalin doganor. /BetimipërDrejtësi

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë