TË AKUZUARIT MOHOJNË FAJËSINË  PËR VRASJE  NË TENTATIVË

Raporton: Syzana REXHEPI

Gjilan – Bashkim Shabani,i akuzuar për veprën penale ”vrasje në tentativë “dhe Shaban Shabani i akuzuar për veprën penale “ndihmë në kryerjen e veprës penale të vrasjes në tentative”,  në shqyrtimin fillestar të mbajtur të mërkurën në Gjykatën Themelore në Gjilan, kanë mohuar kryerjen e këtyre veprave penale.

Më këtë rast, gjykatësi Aziz Shaqiri i informoi palët mbrojtëse se deri më 1 gusht  2016 kanë të drejtë të parashtrojnë kërkesë për hudhje të aktakuzës, kërkesë për kundërshtim të provave apo kërkesë për propozim të dëshmitarëve.

I pandehuri Besim Shabani më 20 qershor 2016, rreth orës 19:30 në fshatin Ramnishtë Komuna e Vitisë, me veprim të drejtpërdrejtë me dashje, ka tentuar të privoj nga jeta tani të dëmtuarin Imer Ademi. Shkak për këtë kishte qenë mosmarrëveshja pronësore juridike e pa zgjidhur me të dëmtuarin Imer Ademi.

Ndërsa i pandehuri Shaban Shabani ka ndihmuar djalin e tij tani të pandehurin Bashkim Shabani në atë mënyrë që t’i asgjësoj, t’i fshehë provat pas kryerjes së kësaj vepre penale.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë