Skandalet në IPK nën llupën e Kuvendit

“Betimi për Drejtësi”

Ndiqeni emisionin “Betimi për Drejtësi” për skandalet e menaxhmentit të IPK-së në ndikime të drejtpërdrejta në konkurse dhe procese hetimore si dhe amnistinë e zyrtarëve të Policisë së Kosovës. Ligjshmëria në funksionimin e IPK-së tash e një kohë mbetet sfidë dhe kjo ka shtruar nevojën për skanimin e gjendjes në këtë institucion. “Betimi për Drejtësi” në dy javët e kaluara kemi shfaqur dy hulumtime që dëshmonin ushtrimin e ndikimit nga Kryeshefi i suspenduar Hilmi Mehmeti në një konkurs për pranimin e inspektorëve së bashku me Miradie Kelmendin, e cila tani është ushtruese e detyrës së Kryeshefes. Ndikimet janë shtrirë edhe në rastet e tjera të punës së inspektorëve të IPK-së, të cilët janë penguar në ushtrimin e kompetencave për të zhvilluar hetime të pavarura në raste të caktuara. Sonte do të shfaqet edhe një rast i ndikimit, presionit dhe kanosjes së zyrtarëve të IPK-së nga menaxhmenti i këtij institucioni. Për raste të tilla, vazhdimisht është sfiduar edhe ministri i Punëve të Brendshme, Flamur Sefaj, i cili ka pranuar letra nga zyrtarët e IPK-së për ndërhyrje në hetime, presione dhe kanosje nga menaxhmenti i IPK-së. Sonte shfaqet një presion dhe kanosje, të cilën udhëheqësi i  hetimeve në IPK, Burim Raçi, pretendon se e ka përjetuar nga ushtruesja e detyrës së Kryeshefes, Miradie Kelmendi. Për skandalet në polici, korrupsionin dhe shumëçka tjetër, para një viti kishte ngritur shqetësime ish-zëvendësministri i Punëve të Brendshme, Nehat Mustafa, i cili flet sonte për zhvillimet e fundit në IPK dhe PK. Në këtë emision, poashtu do të flasin deputetët e Komisionit për Siguri në Kuvendin e Kosovës, për problemet në IPK dhe PK dhe zgjidhjen e tyre.

Gjatë emisionit do të transmetohet edhe rubrika monitorimit të rasteve të korrupsionit në të gjitha Gjykatat e Republikës së Kosovës.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë