Shtyhet seanca ndaj të akuzuarit për korrupsion me kërkesë të avokatit

Raporton: Verona KADRIU

Ferizaj – Seanca e paraparë të mbahej të mërkurën në ora 13:00, në Gjykatën Themelore në Ferizaj, kundër Nebih Jasharit i akuzuar për veprën penale “shpërdorimi i pozitës zyrtare apo autorizimit”, nuk u mbajt.

Kryetari i trupit gjykues Ibrahim Idrizi, tha se mbrojtësi i të akuzuarit Jashari, avokati Avni Ibrahimi ka kërkuar nga Gjykata që kjo seancë të shtyhet për të enjten më 22 shtator 2016, kërkesë kjo e aprovuar nga gjyqtari Idrizi. Në seancën e radhës palët do të paraqesin fjalën përfundimtare.

Sipas aktakuzës së ish-Prokurorisë së Qarkut në Prishtinë, i pandehuri Nebih Jashari akuzohet për veprën penale “shpërdorimi i detyrës apo autoritetit zyrtar”, sepse si drejtor i NSH “Eurometal”, me seli në Ferizaj, me qëllim të përfitimit të dobisë pasurore në mënyrë të kundërligjshme ka shpërdorur pozitën zyrtare dhe ndërmarrjes “Eurometal” i ka shkaktuar dëm të konsiderueshëm material. Veprën penale i pandehuri e ka kryer në atë mënyrë që si drejtor i kësaj ndërmarrje ka paraqitur në kontabilitet fatura të rrejshme për furnizim me repromaterial – llamarinë dhe ka përvetësuar shumën në vlera të mëdha.

 

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë