SHTYHET GJYKIMI NDAJ LULZIM RIFAJ, I AKUZUAR PËR MOS DEKLARIM TË PASURISË

Raporton: Diana BERISHA

Prishtinë – Të hënën në Gjykatën Themelore në Prishtinë, kryetarja e trupit gjykues Albina Rama ka shtyrë mbajtjën e shqyrtimit fillestar ndaj të akuzuarit Lulzim Rifaj – Konsull në Ambasadën e Republikës së Kosovës në Sofje për shkak të mungesës së tij.

Prokurori i rastit Ibrahim Berisha pretendon se i akuzuari Lulzim Rifaj në cilësinë e Konsullit në Ministri të Punëve të Jashtme në Ambasadën e Republikës së Kosovës në Sofje, edhe pse ka qenë i njoftuar nga zyrtari kontaktues, që i njëjti brenda afatit prej 30 ditëve si afat ligjor ta bëjë deklarimin e pasurisë për periudhën kohore nga 1 deri më 31 mars 2015 për vitin paraprak nga janari e deri më 31 dhjetor të vitit 2014, mirëpo i pandehuri një obligim të tillë nuk e ka përmbushur.

Kryetarja e trupit gjykues, Albina Rama, tha se për mbajtjen e seancës së ardhshme palët do të njoftohen me ftesa të rregullta.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë