SHPALLET I PAFAJSHËM MENAXHERI I ZYRËS SË PROKURIMIT NË PEJË

Raporton: Valdet HAJDINI

Pejë – Xhemë Berisha ishmMenaxher i Zyrës së Prokurimit në Komunën e Pejës dhe biznismeni Kujtim Selmanaj u shpallën të pafajshëm nga trupi gjykues i kryesuar nga gjyqtari Sami Sharraxhiu. Berisha ishte i akuzuar për veprën penale “shpërdorim i detyrës zyrtare ose autorizimit”, ndërkaq Selmanaj, për veprat penale “keqpërdorim i autorizimeve në ekonomi” dhe “cënim i të drejtave nga marrëdhënia e punës”.

Të dy të akuzuarit u liruan nga akuza me arsyetimin se nuk është vërtetuar se të njejtët kanë kryer veprimet e kundërligjshme për veprat penale keqpërdorim i detyrës zyrtare dhe autorizimeve në ekonomi. Ndërkaq, për veprën penale “cënim i të drejtave nga marrëdhënia e punës” kishte arrritur parashkrimi absolut.

Ky shqyrtim gjyqësor po zhvillohet në bazë të aktakuzës së Prokurorisë Themelore në Pejë, me arsyetimin se i akuzuari Xhemë Berisha në cilësinë Menaxherit të Prokurimit në Komunën e Pejës, nuk e ka përmbushur detyrën e tij zyrtare. Sipas aktakuzës, Berisha duke vepruar në kundërshtim me Ligjin për Prokurimin Publik, gjatë ekzekutimit të kontratës për pastrimin dhe mirëmbajtjen e objekteve të administratës komunale, institucioneve shëndetësore, arsimore dhe kulturore, edhe pse firma NTSH “Netëork” nuk i ka përmbushur obligimet e marra në kontratë për pagesën e obligimeve tatimore, me ç’rast ATK i’a bllokon xhirollogarinë, i njejti e ndërron emrin në “Selmans Netëork” dhe hap xhirollogari të re. Me këtë rast, i pandehuri në vend se ta shkëpusë kontratën, i urdhëron thesarin që të vazhdoi pagesën, tani me emër të ri në shumën prej 106.609,53 euro. Ndërkaq, i pandehuri Kujtim Selmanaj prej datës 16 mars 2012 deri më 25 maj 2012, me qëllim të realizimit të dobisë pasurore të kundërligjshme për subjektin e tij afarist NTSH “Netëork”, nuk i ka kryer obligimet tatimore të përcaktuara me ligj në shumën prej 99.289,33 euro. Tutje me datë 1 shkurt 2012, me vetëdije nuk e ka zbatuar Ligjin e Punës dhe ka shkelur kontratën e lidhur me KK Pejë, në atë mënyrë që nuk i ka paguar shumicën e pagave të punësuarve dhe pagesat në Trustin Pensional të Kosovës.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë