Sfidat në procedimin e gjykimeve

Raporton: “Betimi për Drejtësi”

Prishtinë – Ndiqeni emisionin “Betimi për Drejtësi” për sfidat në procedimin e lëndëve dhe gjykimeve në gjykatat e vendit. Gjatë emisionit do të ndiqni dy storie të ndara, që dëshmojnë për trajtim joadekuat të proceseve gjyqësore nga sistemi i drejtësisë. Në rastin e parë, në një proces gjykimi, Shefki Beqiri kishte hyrë në seancë si shoqërues i të akuzuarit, Ajet Ajeti, por nga aty kishte dal si avokat. Madje, një gjë e tillë edhe ishte zyrtarizuar në procesverbalet e Gjykatës Themelore në Prishtinë. Në rastin e dytë, është trajtuar zvarritja e një lënde gjyqësore, pasi sipas procesverbaleve të gjykatës, tetë herë prokurori nuk merr pjesë në seancat e rastit, ku gjinekologu Hajriz Dërguti, akuzohet për trajtim të pandërgjegjshëm mjekësor. Palët ankohen për zvarritje të rastit, si pala e dëmtuar ashtu edhe pala e akuzuar.

Gjithashtu, në këtë emision si zakonisht do të mund ta ndiqni rubrikën e përjavshme të monitorimit të rasteve të korrupsionit.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë