Sekuestrohet një armë pa leje në Vushtrri, ndalohet një 17-vjeçar

Vushtrri-Policia e Kosovës njofton se mbrëmë në Vushtrri ka sekuestruar një armë pa leje.

Sipas njoftimit të Policisë,  sekuestrimi i armës është realizuar në rrugën “Marin Barleti” në Vushtrri, ku gjatë kontrollit të detajuar te i  dyshuari i është gjetur dhe sekuestruar një armë e llojit pistoletë për të cilën i dyshuari nuk posedonte leje, raporton “Betimi për Drejtësi”.

“I dyshuari E M., 17- vjeçar, është shoqëruar në stacionin policor dhe pas procedurave intervistuese me urdhër të prokurorit të rastit  është  liruar në procedurë të rregullt, dhe ndaj tij është iniciuar rast për veprën penale  “Mbajtje në pronësi, posedim dhe kontroll të paautorizuar të armëve’’, thuhet në njoftimin e policisë. /BetimipërDrejtësi

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë