Një muaj paraburgim ndaj të dyshuarës për rrëmbim

Raporton: “Betimi për Drejtësi”

Prishtinë – Gjykata Themelore në Prishtinë i ka caktuar masës e paraburgimit në kohëzgjatje prej një muaji të pandehurës A.R pas kërkesës së Prokurorisë Themelore në Prishtinë, për shkak të dyshimit të bazuar se ka kryer veprën penale ndihmë në kryerjen e veprës penale Rrëmbimi.

Në një komunikatë për media nga Gjykata Themelore në Prishtinë, thuhet se gjyqtarja e procedurës paraprake kërkesën e prokurorit të shtetit për caktimin e masës së paraburgimit ndaj të pandehurës A.R e ka aprovuar si të bazuar, raporton “Betimi për Drejtësi”.

“Gjyqtarja e procedurës paraprake kërkesën e prokurorit të shtetit për caktimin e masës së paraburgimit  kundër  të pandehures A.R e ka aprovuar si të bazuar dhe të njëjtës  i  ka caktuar masën e paraburgimit në kohëzgjatje prej një (1) muaji. Të pandehures A.R  paraburgimi i është caktuar në bazë të nenit nenin 187 paragrafi 1 nën paragrafi 1.2 pika 1.2.2 e 1.2.3  të KPPRK-së”, thuhet në komunikatë.

Në komunikatë theksohet se pas mbajtjes së seancës dëgjimore dhe analizimit të shkresave të lëndës, gjyqtarja e procedurës paraprake, ka ardhur në përfundim se kërkesa e Prokurorisë Themelore në Prishtinë, Departamenti për Krime të Rënda  është e bazuar dhe e argumentuar për këtë fazë të procedurës.

Kundër këtij aktvendimi palët kanë të drejtë ankese në Gjykatën e Apelit të Kosovës./BetimipërDrejtësi

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë