Një muaj paraburgim ndaj personit që dyshohet se sulmoi seksualisht një të mitur në Ferizaj

Raporton: “Betimi për Drejtësi”

Ferizaj – Gjykata Themelore në Ferizaj ia ka caktuar masën e paraburgimit të pandehurit M.B., për shkak të dyshimit të bazuar se ka kryer veprën penale sulmi seksual.

Kjo është bërë e ditur përmes një njoftimi për media nga Gjykata Themelore në Ferizaj, raporton “Betimi për Drejtësi”.

‘Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë, se i pandehuri ka kryer veprën penale sulmi seksual ndaj të dëmtuarës – të mitur, thuhet në njoftimin e gjykatës.

Gjykata ia ka caktuar të pandehurit një muaj paraburgim.

“Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurit e ka aprovuar si të bazuar konform dispozitave të KPPRK-së, dhe të njëjtit i është caktuar masa e paraburgimit në kohëzgjatje prej një muaj”, thuhet tutje në njoftim./BetimipërDrejtësi

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë