Në protestën e veteranëve të UÇK-së u lënduan dy policë, njëri u godit në kokë me një mjet të fortë

Raporton: “Betimi për Drejtësi”

Prishtinë – Gjatë protestës së djeshme  para Kuvendit të Kosovës, dy zyrtarë policor kanë marrë lëndime trupore dhe kanë pranuar tretman mjekësor ku njëri prej tyre është goditur në kokë me një mjet të fortë.

Në raportin 24 orësh të Policisë së Kosovës, bëhet e ditur se lidhur me rastin është njoftuar prokurori kujdestar, ndërkaq rasti vazhdon të hetohet, raporton “Betimi për Drejtësi”.

“Gjatë një proteste të organizuar, dy zyrtarë policorë kanë pësuar lëndime trupore dhe kanë pranuar tretman mjekësor ku njëri prej tyre është goditur në kokë me një mjet të fortë. Lidhur me rastin është njoftuar prokurori kujdestar, rasti vazhdon të hetohet”, thuhet në raport.

Ndryshe, të hënën qindra veteranë të Ushtrisë Çlirimtare të Kosovës (UÇK) protestuan para ndërtesës së Kuvendit, për shkak të mos përfshirjes së kësaj kategorie në Projektligjin për pagën minimale./BetimipërDrejtësi

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë