MUNGON PROKURORI, SHTYHET SEANCA PËR TERRORIZËM

Raporton: Verona KADRIU

Ferizaj – Seanca e paraparë që të mbahej të premten më 8 prill 2016, në Gjykatën Themelore në Ferizaj, ndaj Fatos Rizvanollit i akuzuar për veprën penale “rekrutim për terrorizëm”, është shtyrë për shkak se prokurori special i çështjes Suad Kuraja ka dal në pension. Kryetari i trupit gjykues Ibrahim Idrizi deklaroi se pas kontaktimit me Prokurorinë Speciale në Prishtinë, të njejtit e kanë njoftuar se pasi që prokurori Kuraja ka dal në pension ende nuk kanë caktuar prokurorin e ri për këtë lëndë.

Seanca e së premtes ndaj Rizvanollit ishte caktuar të mbahej në ora 13:00 ndërsa për këtë lajmërim të mungesës së prokurorit ,palët prezente u detyruan të presin për më shumë një orë.

Kryetari i trupit gjykues Ibrahim Idrizi për këtë shkak  konstatoi se nuk janë plotësuar kushtet ligjore për mbajtjen e shqyrtimit gjyqësor ndaj të akuzuarit Fatos Rizvanolli, e i cili ishte shqyrtim fillestar. Seanca e rradhës u caktua të mbahet më 14 prill 2016 në ora 10:00.

Aktakuza e ngritur nga Prokuroria Speciale e ngarkon të akuzuarin Fatos Rizvanolli me veprën penale “rekrutim për terrerizëm” nga neni 139 lidhur me nenin 31 të Kodit Penal të Republikës së Kosovës.

 

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë