MUNGON I AKUZUARI, SHTYHET SEANCA PËR KORRUPSION

Raporton: Valdet HAJDINI

Pejë – Në Gjykatën në Themelore të Pejës, të enjten është shtyrë seanca e shqyrtimit gjyqësor ndaj Ervin Kastratit, i akuzuar për veprat penale ushtrim i ndikimit dhe falsifikim i dokumentit zyrtar.

Seanca është shtyrë, pasi i akuzuari ka deponuar parashtresë në gjykatë, me të cilën kishte kërkuar nga kryetari i trupit gjykues Sami Sharraxhiu shtyrjen e seancës, me arsyetimin se të njejtit i kishte vdekur axha.

Ky shqyrtim gjyqësor po zhvillohet në bazë të aktakuzës së Prokurorisë Themelore në Pejë, ku sipas pretendimit të saj i akuzuari Ervin Kastrati më 22 maj 2014, ka ka pranuar përfitim në të holla për vete, që të ushtrojë ndikim mbi vendimmarrjen e personit zyrtar, që brenda tri ditëve të siguroi një transformator, për çka i dëmtuari duhej të paguaj shumën prej 3.000,00 euro. Gjithashtu, më 19 gusht 2014, si person zyrtar i KEDS-it, në shkresat zyrtare shënon të dhëna të rreme, ku të dëmtuarit i lëshon fatura kinse i ka shlyer borxhin në tërësi, ndërsa i dëmtuari më vonë pranon faturën me borxhin e përgjithshëm 7.554,45 euro.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë