Mungon i akuzuari, shtyhet seanca ndaj anëtarit të komisionit vlerësues për përzgjedhjen e drejtorit të njësive të QKUK-së

Raporton: Gzim SHALA

Prishtinë – Në Gjykatën Themelore të Prishtinës nuk është mbajtur shqyrtimi fillestar ndaj Xhavit Bicaj, i akuzuar për “keqpërdorim të detyrës zyrtare”.

Gjyqtari Shashivar Hoti ka bërë me dije se fletë kthesa e të akuzuarit nuk ka ardhë. Në këtë mënyrë, të akuzuarit do ti dërgohet përsëri ftesë nga ana e Gjykatës.

Kjo seancë është caktuar të mbahet me 21 tetor, në ora 10:00.

Xhavit Bicaj akuzohet se si anëtarë i komisionit vlerësues për përzgjedhjen e kandidatëve për pozitën e drejtorit të njësive përkatëse të QKUK në Prishtinë ka tejkaluar kompetencat e tij me qëllim që ti shkelë të drejtat e të tjerëve. Sipas aktakuzës, i njëjti në këtë cilësi, ju ka dërguar testet me pyetje dhe përgjigje të sakta të intervistimit me shkrim dy të preferuarve të tij. Ai këtë e kishte bërë me qëllim që dy të të preferuarit e tij të dalin më të suksesshmit nga 30 kandidatët që kishin konkuruar.

 

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë