MUNGON I AKUZUARI  SAVA STANOJEVIQ, SHTYHET SEANCA, GJYKATA URDHËRON SJELLJEN ME DHUNË

Raporton:Arbelina DEDUSHAJ

Gjilan – Në Gjykatën në Themelore të  Gjilanit, të  mërkurën u shty seanca e shqyrtimit gjyqësor ndaj Sava Stanojeviq, i cili akuzohet për kryerjen e  veprës  penale “marrje e ryshfetit”.

Seanca u shty, pasi i akuzuari Stajoneviq edhe pas njoftimit përmes procesverbalit të  seancës paraprake nuk kishte  ardhur në  shqyrtimin gjyqësor dhe mungesën e tij nuk e kishte arsyetuar.

Ndërsa mbrojtësi i të akuzuarit Stanojeviq,avokati Shemsedin Piraj deklaroi se i mbrojturi i tij nuk e kishte njoftuar që nuk do merrë pjesë në seancë, por sipas të njëjtit, i akuzuari Stanojeviq mund t’i këtë dal ndonjë punë e papritur dhe nuk ka mundur as ta arsyetoj mungesën e tij.

Gjykatësi Naser Maliqi deklaroi se ndaj të akuzuarit Sava Stanojeviq do të lëshohet urdhëresë për sjellje  me dhunë në gjykatë, ndërsa për të dëmtuarin Fitim Dauti, meqë ishte i pranishëm, si ftesë për seancën e ardhshme do të vlejë njoftimi përmes procesverbalit të kësaj seance.

Po ashtu në këtë shqyrtim gjyqësor mungoi edhe dëshmitari  Hajrush Halili dhe i njëjti do të njoftohet  përmes  eprorit të  tij, kapitenit Alban Ramushi.

Sipas  akatakuzës, së ngritur më 10 shtator 2013 nga prokurori Agron Uka, Sava Stanojeviq në cilësinë  e personit zyrtar, si asistent i administratës, pranë Ministrisë së Transportit dhe Telekomnikacionit, ka kërkuar përfitim material për vete duke  kryer një veprim në kundërshtim me detyrën zyrtare, në  atë mënyrë  që  nga i dëmtuari  Fitim Dauti, ka kërkuar shumën prej 500 euro me qëllim të kalimit-dhënies së  kundërlishme të  testit me shkrim dhe të  vozitjes për patent shoferë pranë Qendrës për patent shoferë  në  Gjilan. Seanca e ardhshme u caktua për 10 maj 2016, në  ora 09:00.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë