Mungon i akuzuari dhe anëtarja e trupit gjykues, shtyhet seanca

Raporton: Adem KRASNIQI

Prishtinë – Seanca e paraparë të mbahet ndaj Sllobodan Cvejiq, Millosh Maksimoviq, Ilija  Mlladenoviq dhe Nebojsha Millovanoviq, të akuzuar për dhënie dhe marrje të ryshfetit, u shty sepse i akuzuari Sllobodan Svejiq, nuk u paraqit në gjykatë. Gjithashtu edhe anëtarja e trupit gjykues, Nora Bllaca Dula, kishte qenë në një seancë gjyqësore në EULEX.

Gjyqtari Faik Hoxha tha se si pasojë e kësaj, seanca duhet të shtyhet. E njëjta u vendos të mbahet më  10 nëntor 2016 në ora 13:30.

Sipas aktakuzës, Sllobodan Cvejiq, Millosh Maksimoviq, Ilija  Mlladenoviq dhe Nebojsha Millovanoviq, akuzohen se më 3 nëntor 2013, duke qëndruar afër shkollës “Kral Millutin” në Graçanicë, ku ishin duke u zhvilluar votimet për zgjedhje komunale, ju kishin premtuar njerëzve të ndryshëm, nga 50 euro që të votojnë për anëtarët e partisë SKS. Pas raportimit të rastit, dhe pas kontrollimit të pandehurve nga policia, tek ta ishin gjetur 850 euro dhe një listë me emra të qytetarëve të ndryshëm.

 

 

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë