Ministri Sveçla: Sot u godit rrjeti i kazinove ilegale në zonën e fshatit Karaçevë

Raporton: “Betimi për Drejtësi”

Ministri i Punëve të Brendshme, Xhelal Sveçla ka thënë se aksioni i policisë që u zhvillua mëngjjesin e së mërkurës ishte i suksesshëm, pasi u godit rrjeti i kazinove ilegale në zonën e fshatit Karaçevë.

Përmes një postimi në Facebook, Sveçla tha se pas konfiskimit të aparateve për lojërat e bixhozit, u rrënuan objektet ilegale dhe arrestimet po vazhdojnë.

Postimi i plotë:

Edhe një aksion i suksesshëm i Policisë së Kosovës.

Në bashkëpunim dhe koordinim me Prokurorinë Themelore në Gjilan dhe me autoritet komunale të Dardanës sot u godit rrjeti i kazinove ilegale në zonën e fshatit Karaqevë.

Pas konfiskimit të aparatave për lojërat e bixhozit, u rrënuan objektet e ndërtuara ilegale si dhe arrestimet e personave të përfshirë në këtë aktivitet kriminal po vazhdojnë edhe në këto momente“.

Ndryshe, rrënimin e objekteve pa leje të kazinove në këtë vend e konfirmoi për “Betimi për Drejtësi” edhe shefi i Inspektoratit në Kamenicë, Lirdon Beqiri. /BetimipërDrejtësi

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë