Miftaraj për Byronë: Sipas konkluzioneve të Venecias, ky ligj duhet të shkruhet prej zeros

Raporton: “Betimi për Drejtësi”

Ehat Miftaraj, drejtor ekzekutiv i Institutit të Kosovës për Drejtësi (IKD) thotë se sipas konkluzioneve të Komisionit të Venecias, ligji për Byronë Shtetërore për Konfiskimin e Pasurisë së Pajustifikueshme, duhet të shkruhet prej zeros.

“Ministrja i lexoi një pjesë të rekomandimeve të Komisionit të Venecias, por që nëse i lexojmë konkluzionet dhe rekomandimet që i ka gjet Komisioni i Venecias, mund të themi që ky ligj duhet me u rishkru prej zeros, sepse do të thotë që çdo pjesë ka probleme serioze, të cilat jo vetëm që i cenojnë të drejtat e njeriut, por e cenojnë sigurinë juridike ose me fjalë të tjera, mënyrën se si është propozu, nuk është garancë se ka me sjellë rezultat”, tha Miftaraj në “Tempus” të KTV-së.

Sipas tij, Komisioni i Venecias thotë që ky ligj duhet të bëhet në harmoni të plotë me Kushtetutën e standardet ndërkombëtare, të cilat janë të aplikueshme në Kosovë, me thekst të veçantë praktikën e Gjykatës Ndërkombëtare për të Drejtat e Njeriut. /BetimipërDrejtësi

 

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë