MBROJTJA EFEKTIVE JURIDIKE

“Betimi për Drejtësi”

Ndiqeni emisionin “Betimi për Drejtësi” për shkeljen e të drejtave të të pandehurve në procedurë penale dhe shkeljen e të drejtave në drejtësinë administrative. Në hulumtimin e parë do të ndiqni se si shkelen të drejtat e të pandehurve në procedurë penale, të cilat garantohen me Kushtetutën  e Republikës së Kosovës. Kjo e fundit  në nenin 53 ka marr obligim zbatimin e Praktikës Gjyqësore të Gjykatës Evropiane për të Drejtat e Njeriut, e cila obligon që të pandehurit të përfaqësohen me avokat në rastet kur rrezikojnë të dënohen me burgim efektiv. Gjetjet e hulumtuesve të “Betimit për Drejtësi” dëshmojnë se në Departamentet e Përgjithshme të Gjykatave Themelore, në rreth 90% të rasteve, të pandehurit përfaqësohen pa avokat. Pse gjykatësit dhe prokurorët në Kosovë nuk e zbatojnë praktikën gjyqësore të Gjykatës Evropiane për të Drejtat e Njeriut? Si gjykatësit përballen me probleme objektive që pamundësojnë ofrimin e mbrojtjes juridike në mungesë të buxhetit publik? Çfarë do të ndërmarrin Këshilli Gjyqësor dhe Këshilli Prokurorial për të garantuar të drejtat e të pandehurve? Sa po arrihet përmes programit “Kërko Drejtësi” të angazhohen avokatët falas në ofrimin e mbrojtjes për të pandehurit?Ndërkaq në hulumtimin e dytë do të ndiqni se si zvarriten lëndët në çështjet administrative. Pse po kthehen lëndët në rivendosje si ping pong dhe çfarë po bëhet që e drejta e palëve të fitohet në kohë të arsyeshme ?

Gjatë emisionit, do të ndiqni edhe rubrikën e monitorimit të rasteve të korrupsionit të përgatitur nga hulumtuesit e emisionit “Betimi për Drejtësi”.

 

 

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë