LIRIDON KABASHI PRANON FAJËSINË PËR PJESËMARRJE NË GRUP TERRORIST

Raporton: Verona KADRIU

Ferizaj – Në Gjykatën Themelore në Ferizaj, të hënën, janë paraqitur në bankën e zezë Zeqirja Qazimi, Sadat Topojani, Jetmir Kyqyqku, Liridon Kabashi, dhe Ilir Krraba të akuzuar për veprat penale “rekrutim për terrorrizëm”, “nxitja e urrejtjes, përcarjes ose mosdurimi kombëtar, racor, fetar apo etnik”, “organizimi dhe pjesëmarrja në grup terrorist” dhe “shtytja për kryerjen e veprave terroriste”. Në këtë shyrtim gjyqësor i akuzuari Liridon Kabashi pranoi fajësinë për veprën penale që i rëndohet “pjesëmarrje në grup terrorist”, ndërsa dy të akuzuarit e tjerë Jetmir Kyqyku dhe Ilir Krraba nuk dhanë mbrojtjen e tyre, ata dekalruan se do të mbrohen në heshtje.

Shqyrtimi i së hënës, ka vazhduar me deklaratën e prokurorit special Suad Kuraja, i cili tha se me kërkesë të mbrojtjes së të akuzuarit Liridon Kabashi, avokates Hadije Ademi, pasi që është kontestuar qëndrimi i të akuzuarit në Siri në vitet 2013-2014 është vërtetuar se kundërshtimi ka qenë i bazuar, kështu që sipas kësaj pikëpamje ka përmirësuar aktakuzën PPS.39/14 të datës 23 shkurt 2015, sa i përket pikës 2 të aktakuzës dhe vetëm sa i përket qëndrimit të të akuzuarit Kabashi në Siri, ku sipas pikës 2 të aktakuzës shkruhej se i pandehuri Liridon Kabashi ka qenë në luftë në Siri prej datës 2 shtator 2013 deri 4 dhjetor 2013, lidhur me këtë është bërë përmirësimi se kjo pikë nuk qëndron por i akuzuari Kabashi rëndohet me veprën penale “pjesëmarrje në grup terrorist”. Ndërkaq pas kësaj, mbrojtësja e të akuzuarit Liridon Kabashi, avokatje Hadije Ademi, deklaroi se pas konsultimit me klientin e saj, i njejti e pranon fajësinë për veprën penale “pjesëmarrje në grup terrorist”, dhe lidhur me këtë trupi gjykues morri aktvendim me të cilin u pranua pranimi i fajësisë.

Shqyrtimi gjyqësor vazhdoi me leximin e provave, mirëpo para leximit të provave mbrojtësi i të akuzuarit Zeqirja Qazimi, deklaroi se ka vërejtje lidhur me disa publikime të sms-ve private të mbrojturit të tij, të publikuara nga portalet, dhe kërkoi nga trupi gjykues dhe nga Prokuroria që të ndërmarrin masa lidhur me këtë pasi që sipas tij ato i takojnë jetës private të klientit të tij, dhe gazetarët e askush tjetër nuk janë të autorizuar që të publikojnë diqka të tillë.

Tutje, u vazhdua me leximin e provave të propozuara në aktakuzë. Pas leximit të provave shqyrtimi u vazhdua me deklaratën e të akuzuarit Zeqirja Qazimi, i cili tutje në pyetjet e mborjtësit të tij avokatit Murat Denolli deklaroi se studimet i ka kryer në Egjipt në fund të vitit 2009, dhe pasi që është kthyer nga Egjipti është pranuar nga Bashkësia Islame e Kosovës, imam në një xhami në Gjilan. Lidhur me atë se çfarë ka ligjëruar ai si imam i xhamisë, Qazimi deklaroi se ligjeratat e tij kanë qenë gjithmonë të bazuara në Kur’an dhe sunet. Ndërsa sa i përket disa ligjeratave që ai i ka kryer në Kaçanik ai deklaroi që edhe ato gjithmonë i ka ligjëruar duke u bazuar në Kur’an. Në pyetjet se çfarë do të thotë fjala “xhihad” dhe fjala “shehid” ai u përgjigj se këto fjalë kanë disa kuptime mirëpo kuptimet kryesore të tyre janë, për “xhihad”- do të thotë “përpjekje apo angazhim për të mirë”, ndërsa fjala “shehid”- do të thotë “martir/dëshmor ose ai që vritet duke e mbrojtur fenë e tij, mendjen, pasurinë dhe nderin e tij”. Lidhur me atë se e ka ndihmuar ai ndokënd që të shkojë në luftë në Siri, i akuzuari dekalroi se asnjëherë askënd nuk e ka ndihmuar dhe as që i është kërkuar ndihmë atij për t’i ndhmuar personat e cakuar që të shkojnë në luftë në Siri. Ai në vazhdim u ballafaqua me deklaratën e tij të dhënë në hetuesi ku kishte thënë se Liridon Kabashi i kishte kërkuar 2500 euro për të shkuar në Siri, ndërsa në seancë deklaroi se i është kërkuar por ai nuk i ka kthyer përgjigjie pasi që sipas tij nuk ka qenë në mundësit e tij ajo shumë e parave. Sa i përket publikimeve të disa ligjeratave të tij në Youtube, ai tha që ato nuk i ka publikuar vetë por i kanë publikuar personat që kanë qenë të pranishëm gjatë atyre ligjërimeve, dhe tha që ato nuk i pengojnë pse janë publikuar.

Ndërkaq në pyetjet e prokurorit special Suad Kuraja, i akuzuari Zeqirja Qazimi deklaroi se  Lavdrim Muhaxherin e ka njohur edhe më herët , edhe para se të arrestohej, gjithashtu deklaroi se i njeh edhe personat si hoxhën Ridvan Haqifi, Isa Rizvanollin pastaj Vilson Halimin, Egzon Latifin,Hafif Ahmetin si dhe tanimë të ndjerin Patriot Matoshi i cili është vrarë në luftën në Siri. Ndërsa në pyetjet e kryetarit të trupit gjykues Musa Konxheli si dhe anëtarëve të trupit gjykues Sahit Krasniqi dhe Mustafë Tahiri, i akuzuari Qazimi deklaroi se me Lavdrim Muhaxherin nuk ka biseduar asnjëherë përmes telefonit dhe as me anë të mjeteve të tjera të informimit si rrjetit social facebook dhe as që e ka ditur ndonjëherë numrin e telefonit të Lavdrim Muhaxherit.

I akuzuari deklaroi se Lavdrim Muhaxherin e kishte njohur në një nga ligjeratat në Kaçanik, ku ai ishte pjesëmarrës dhe pastaj e ka njohur edhe në bazë të mediave. Ndërsa Ridvan Haqifin ai deklaroi se e njeh si një hoxhë dhe imam shumë të respektuar dhe gjithashtu me të ishin edhe student në shkencat islame në Egjipt.

Pas dhënies së deklaratës nga i akuzuari Zeqirja Qazimi, u vazhdua me marrjen në pyetje të të akuzuarëve të tjerë, Sadat Topojani, Jetmir Kyqyku dhe Ilir Krraba, ku mborjtësit e të akuzuarëve Jetmir Kyqyku avokati Besnik Jakupi dhe mbrojtësi i të akuzuarit Ilir Krraba  deklaruan se dy të mbrojturit e tyre nuk do të deklarohen, por do të mbrohen në heshtje. Kurse mbrojësi i të akuzuarit Sadat Topojani, avokati Jeton Berisha propozoi trupit gjykues që klienti i tij të dëgjohet në seancën e rradhës pasi që detyrën si mbrojtës i  të akuzuarit sipas detyrës zyrtare, e ka pranuar të hënën dhe për këtë tha që i duhet disa ditë kohë deri sa t’i analizojë shkresat e lëndës dhe të konsultohet me klientin e tij. Të njejtin propozim trupi gjykues e aprovoi si të arsyeshëm.

Ndërkaq, refuzoi propozimin e mbrojtësit të të akuzuarit Ilir Krraba, që të njejtit t’i ndalohet masa e paraburgimit, si masë më rëndë, dhe t’i caktohet masa e arrestit shtëpiak, pasi që konsideroi se ende nuk janë përmbushur kushtet për ndërprerjen ë kësaj mase, dhe caktimit të ndonjë mase me të lehtë.

Kryetari i trupit gjykues me këtë e përfundoi senacën e sotme, kurse seanca e rradhës u caktua për datën 29 mars 2016, ku edhe do të paraqiten prova shtesë nga ana e prokuorit special.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë