KATËR MUAJ BURGIM EFEKTIV PËR PËRDORIMIN E SUBSTANCAVE NARKOTIKE

Raporton: Syzana REXHEPI

Gjilan– I akuzuari, Etrit Jashari, është dënuar me burgim efektiv në kohëzgjatje prej katër muajve  për veprën penale “ posedim i paautorizuar i narkotikëve “. Shpallja e këtij aktgjykimi është bërë në seancën e të mërkurës, gjatë së cilës  i pandehuri në fjalë e ka pranuar fajësinë për veprën me të cilën ngarkohet.

Etrit Jashari akuzohet se më  datën 8 shkurt 2014,  në kafiterinë  “Chillex” në Gjilan, ka poseduar substancë narkotike pa asnjë autorizim. Pas një kontrolli fizik nga ana e pjestarve të policisë, tek i njëjti është gjetur një qese plastike me substanca narkotike të llojit marihuana në peshë prej 0.9 gram, si dhe një paketim me tableta prej 20 copa  të llojit  “Tramadol” duke përfshirë edhe letra për mbështjellje të marihuanës, të cilat i janë konfiskuar menjëherë.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë