Intervistë ekskluzive: Elez Blakaj (Pjesa e parë)

“Betimi për Drejtësi”

Ndiqeni pjesën e parë të intervistës ekskluzive me prokurorin e dorëhequr Elez Blakaj në emisionin “Betimi për Drejtësi”, për rastin e veteranëve të rrejshëm, rast për të cilin Blakaj kishte ngritur aktakuzë dhe e kishte nënshkruar, por që e njëjta nuk ishte dorëzuar në Gjykatë.

Pse u dorëhoq prokurori special Elez Blakaj? Çfarë thotë Blakaj për kërcënimet, presionet dhe ndërhyrjet në hetimin e rasteve të profilit të lartë? Çfarë strategjie ka përdorur Blakaj si prokuror për hetimin e rastit voluminoz të veteranëve të rrejshëm? Cilët janë dëshmitarët dhe provat kyçe që mund të provohen në Gjykatë për rastin e veteranëve të rrejshëm? Pse nuk u dorëzua aktakuza e nënshkruar në gjykatë? Si ka ndërhyrë politika dhe drejtuesit e sistemit prokurorial në krye me Kryeprokurorin Aleksandër Lumezi në hetimin e veteranëve të rrejshëm? A u intervistua Kryeparlamentari Kadri Veseli për rastin e veteranëve nga prokurori Blakaj? Çfarë ndërhyrje kishte bërë Kryeprokurori Lumezi për mosintervistimin e Kadri Veselit? Çfarë marrëveshje kishte bërë Blakaj me Kryeprokurorin e Prokurorisë Speciale për ta shmangur ndikimin dhe ndërhyrjet e Kryeprokurorit Lumezi në hetimin e rastit të veteranëve? Çfarë thotë Elez Blakaj për gjuhën e Kryeministrit Haradinaj dhe ndërhyrjet që sipas tij, ia ka bërë në procesin e hetimit të veteranëve? Çfarë thotë Blakaj për ndikimet politike dhe të grupeve të interesit në sistemin prokurorial? Sipas tij, sa është i politizuar sistemi prokurorial dhe sistemi i drejtësisë në Kosovë? Pse nuk ka adresa ku prokurorët me integritet mund t’i adresojnë shqetësimet e tyre për ndikim, presion e kërcënim? Nga kush janë të kapura këto mekanizma të kontrollit dhe disiplinimit në sistemin prokurorial?

Për këto dhe më shumë, ndiqeni pjesën e parë të intervistës ekskluzive me prokurorin e dorëhequr Elez Blakaj.

Gjatë emisionit do të ndiqni edhe rubrikën e monitorimit të rasteve të korrupsionit në të gjitha Gjykatat Themelore të Republikës së Kosovës.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë