GjYKOHET PËR RREZIKIM TË TRAFIKUT PUBLIK

Raporton: Verona KADRIU

Ferizaj – Në Gjykatën Themelore në Ferizaj, të martën, u mbajt shqyrtimi gjyqësor ndaj Ramadan Pajazitit , i cili akuzohet për veprën penale “rrezik i trafikut publik”. I akuzuari në këtë shqyrtim nuk e pranoi fajësinë për veprën penale që i ngarkohet.

I akuzuari Pajaziti, lidhur me veprën penale që akuzohet deklaroi se nuk është fajtor si dhe e kundërshtoi akuzën e ushtruar ndaj tij nga Prokuroria Themelore në Ferizaj, më 9 tetor 2015.

Ndërkaq shqyrtimi i rradhës u caktua pas 30 ditëve pasi që i akuzuari, u udhëzua që t’i paraqes kundërshtimet e tij sa i përket akuzës në fjalë.

Sipas aktkauzës, i pandehuri Ramadan Pajaziti akuzohet se më 11 maj 2014 rreth orës 11:00 në fshatin Mirosalë – Ferizaj, përkatësisht në rugën lokale të këtij fshati duke drejtuar automjetin e tij, nga pakujdesia ka vënë në rrezik jetën e njerëzve në atë mënyrë që nuk ka mundur t’ia përshtat shpejtësinë e lëvizjes kushteve të rrugës, rrugë me kthesa dhe gjatë lëvizjes nga drejtimi i fshatit Rahovicë në drejtim të fshatit Mirosalë gjatë hyrjes në kthesë kalon në shirtin e kundërt të lëvizjes dhe me pjesën e përparme godet një automjet tjetër, i drejtuar nga Bekim Krasniqi e që në momentin e goditjes përveq dëmeve materiale, vozitësit të automjetit Krasniqi i ka shkaktuar lëndime të lehta trupore.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë