Gjendet pa shenja jete një 49-vjeçar në Gjakovë

Raporton; “Betimi për Drejtësi”

Gjakovë- Policia e Kosovës (PK) njofton se një person i moshës 49-vjeçare është gjetur pa shenja jete mëngjesin e sotëm.

Lajmin e ka bërë të ditur për “Betimi për Drejtësi”, zëdhënësi i policisë për rajonin e Gjakovës, Sheremet Elezaj, i cili tha se rasti ka ndodhur në rrugën “Dedë Gjon Luli” në Gjakovë.

“Sot rreth orës 04:00 është pranuar informacion se në rrugën “Dedë Gjon Luli” në Gjakovë një person mashkull lindur në vitin 1973, në një barakë, dyshohej se ishte i vdekur. Njësitet relevante të policisë kanë dalë në vendin e ngjarjes ku edhe personeli mjekësor ka konstatuar vdekjen e viktimës. Është njoftuar edhe Prokurori i Shtetit dhe është iniciuar rast “Hetim i vdekjes”, tha Elezaj.

Ai shtoi se trupi i pajetë i viktimës është dërguar në Institutin e Mjekësisë Ligjore për obduksion. /BetimipërDrejtësi

 

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë