Gjendet pa shenja jete një 27-vjeçar në një shtëpi në Gjilan

Raporton: “Betimi për Drejtësi”

Gjilan-  Policia e Kosovës (PK) njofton se një person është gjetur pa shenja jete në një shtëpi pranë rrugës “Tranziti” në Gjilan.

Lajmin e ka konfirmuar për “Betimi për Drejtësi”, zëdhënësi i policisë për rajonin e Gjilanit, Ismet Hashani, i cili tha se rasti është cilësuar si “Hetim i vdekjes”.

“Ju njoftoj se sot rreth orës 07 e 25 Policia e Kosovës, Drejtoria rajonale në Gjilan është njoftuar për një rast ku një person është gjet pa shenja jete në një shtëpi pranë rrugës “Tranzit” në Gjilan. Ekipet e hetuesve dhe forenzikës rajonale në bazë të ekzaminimit të vendit të ngjarjes kanë konstatuar se personi i pajetë, pa shenja dhune në trup është shtetas i Kosovës i lindur me (1995) me banim në Gjilani”, tha Hashani.

I njëjti shtoi se lidhur me rastin është njoftuar prokurori, i cili ka urdhëruar që trupi i pajetë të dergohet në Institutin e Mjekësisë Ligjore (IML) për kryerjen e obduksionit.

“Hetimet do të zhvillohen nga Policia e Kosovës njësitet e hetimeve rajonale në koordinim me prokurorin e shtetit. Rasti do të hetohet si “hetim i vdekjes”, tha Hashani. /BetimipërDrejtësi

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë