Dyshohet se vdiq si pasojë e thithjes së tymit të shkaktuar nga nxemësja elektrike, policia nis hetimet

Raporton: “Betimi për Drejtësi”

Prishtinë- Policia njofton se një person 55 vjeç ka ndërruar jetë dhe dyshohet se shkaktar të jetë thithja e tymit të nxemëses elektrike. Lidhur me rastin kanë nisur hetimet.

Lajmi u bë i ditur përmes një njoftimi për medie nga policia, ku thuhet se rasti ka ndodhur të premten rreth orës 14:00, në fshatin Zabel i Ulët të Komunës së Drenasit, raporton “Betimi për Drejtësi”.

“Me të marrë informatën policia ka dalë në vendin e ngjarjes duke filluar menjëherë me ndërmarrjen e veprimeve hetimore me synim sqarimin e rrethanave të rastit”, thuhet në njoftim.

Policia bën të ditur se në vendin e ngjarjes janë ftuar edhe mjekët emergjent, të cilët kanë konstatuar vdekjen e viktimës dhe nga të dhënat fillestare, dyshohet se viktima ka humbur jetën si rezultat i thithjes së tymit të shkaktuar nga një nxemëse elektrike.

“Megjithë dyshimet e ngritura policia me kujdes të shtuar po heton rastin si vdekje të dyshimtë dhe po ndërmerr të gjitha veprimet e duhura hetimore që do ti kontribuonin hetimit të ngjarjes përderisa trupi i pajetë i viktimës është është dërguar në institutim e mjekësisë ligjore për obduksion”, thuhet në fund të njoftimit. /BetimipërDrejtësi

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë