Dosja e manipuluar e Kryeprokurorit të Shtetit 3

“Betimi për Drejtësi”

Ndiqeni emisionin “Betimi për Drejtësi” për dosjen e manipuluar të Aleksandër Lumezit. Ky hulumtim është zhvilluar nga ekipi i “Betimi për Drejtësi” dhe Kohavisioni. Në vazhdimin e tretë të hulumtimit do të ndiqni argumentet dhe dëshmitë e reja të gjalla mbi procesin e dhënies së provimit të jurisprudencës së Aleksandër Lumezit. Çfarë dokumentesh janë siguruar në dosjen personale të Lumezit që dëshmojnë rrethanat e provimit të jurisprudencës? Çfarë dëshmish ka sjellur nga Beogradi Aleksandër Lumezi, përmes të cilave synon të vërtetojë certifikatën mbi dhënien e provimit të jurisprudencës? Çfarë thonë procesverbalet e vitit 2000 të Komisonit Konsultativ Juridik? Pse Aleksandër Lumezi kishte deklaruar në konkurs se nuk e ka të përfunduar provimin e jurisprudencës? Si ishin dekretuar 31 gjykatës e prokuror nga Bernard Kushner, pa e pasur fare provimin e Jurisprudencës? A bën pjesë në këtë numër edhe Aleksandër Lumezi? Çfarë thonë dokumentet dhe çfarë thonë dëshmitarët e gjallë të këtij Komisioni? Sa janë të pavarura hetimet për falsifikimin e provimit të Aleksandër Lumezit, kur të njëjtat po zhvillohen nga vartësi i Kryeprokurorit, prokurori Kujtim Munishi? Çfarë thotë shoqëria civile? Për të gjitha këto dhe më shumë, ndiqeni hulumtimin “Dosja e manipuluar e Kryeprokurorit të Shtetit 3”.

Gjatë emisionit do të ndiqni edhe rubrikën e monitorimit të rasteve të korrupsionit të përgatitur nga hulumtuesit e emisionit “Betimi për Drejtësi”.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë