DËNOHET  ME  TRE MUAJ BURG ME KUSHT PËR LËNDIM TË RËNDË TRUPOR

Raporton: Syzana REXHEPI

Gjilan – Kastriot Hajdini i akuzuar për veprën pemale ”lëndim i  rëndë  trupor”, u dënua me tre muaj burgim me kusht, të hënën, në Gjykatën Themelore në Gjilan.

Kastriot Hajdini, akuzohet se më 6 mars 2016 rreth ores 18:00, për shkak të një mos marrëveshje, me dashje  i ka shkaktuar lëndim trupor djalit të axhës së tij Fatmir Hajdinit, fillimisht e  kanë fyer me fjalë njëri tjetrin,e më pas kur i dëmtuari e kishte prekur në fytyrë me dorë dhe duke kapur për fyti, i akuzuari me tjegull e kishte goditur në  kokë, ku i kishte  shkaktuar lëndim të rëndë trupor. Për shkak të natyrës së lëndimit ishte i detyruar të kërkoj ndihmë në Spitalin Regjional të Gjilanit e me pastaj edhe QKUK në Prishtinë.

Shqyrtimi i së hënës ndaj të akuzuarit Kastriot Hajdini, ishte shqyrtim fillestar, në të cilin i akuzuari menjëherë pas leximit të aktakuzës nga ana e prokurores Huma Jetishi, pranoi fajësinë.

Pas deklarimit të të akuzuarit ,prokurorja Huma Jetishi pranoi pranimin e fajësisë nga i akuzuari dhe kërkoi nga gjykata që të njëjtin t’a shpall fajtor për veprën penale të kryer dhe atij ti shqiptohet sanksion penal i paraparë me ligj.

Në këtë shqyrtim gjithashtu i pranishëm ishte edhe i dëmtuari Fatmir Hajdini i cili tha se me të akuzuarin janë pajtuar dhe më nuk kanë asnjë mos marrëveshje. Ndërsa tha se për dënimin e të akuzuarit të vendos gjykata.
Pas kësaj gjykatësi i çështjes Behar Ymeri mori aktvendim me të cilin pranoi pranimin e fajësisë të të akuzuarit Hajdini, të cilin e shpalli fajtor dhe dënoi me burgim me kusht në kohëzgjatje prej tre muaj, i cili dënim nuk do të ekzekutohet në qoftë se i pandehuri mbrenda kësaj periudhe nuk do të kryej vepër tjetër penale të dënushme me ligji.

 

 

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë