DËNOHET ME NJË VIT BURG ME KUSHT PËR RREZIKIM TË TRAFIKUT PUBLIK

Raporton: Syzana REXHEPI

Gjilan – Agim Bucolli, i akuzuar për veprën penale “rrezikim i trafikut publik” në seancën e mbajtur të mërkurën, në Gjykatën Themelore në Gjilan, e ka pranuar fajësinë dhe është dënuar me kusht me burgim në kohë zgjatje prej një viti, i cili dënim nuk do të ekzekutohet nëse i akuzuari brenda kësaj periudhe nuk kryen vepër tjetër penale.

Në fjalën përfundimtare, prokurori Shefik Mehmeti i ka propozuar gjykatës që pas pranimit të fajësisë nga i pandehuri dhe mbi bazën e fakteve që gjenden në shkresat e lëndës, i njëjti të shpallet fajtor dhe t’i shqiptohet sanksioni penal i paraparë me ligj.

Ndërsa përfaqësuesja e të dëmtuarit të mitur N.N. tha se nuk i bashkangjitet ndjekjes penale, ndërsa sa i përket kërkesës pasurore juridike ajo tha se nga kompania e sigurimeve i kanë marr 400 euro.

I pandehuri në fjalën përfundimtare tha se është penduar për veprën e kryer dhe e ka lutur trupin gjykues t’i shqiptohet një dënim i butë dhe njëherësh i ka kërkuar falje familjes së të dëmtuarit.

Gjykatësi individual Ramiz Azizi  pasi e ka shpallur të mbyllur seancën e së mërkurës, ka sjellur aktgjykimim me të cilin i pandehuri Agim Bucolli për është dënuar me kusht me burgim në kohë zgjatje  prej një viti, i cili dënim nuk do të ekzekutohet nëse i akuzuari brenda kësaj periudhe nuk kryen vepër tjetër penale.

Agim Bucolli akuzohet se më 1 qershor 2015, duke bërë tejkalim dhe anashkalim në mënyrë të pa sigurtë, në kundërshtim me ligjin për sigurinë e komunikacionit rrugor, ashtu që me retrovizorin e djathtë e kishte goditur këmbësorin N.N., duke i shkaktuar lëndime të lehta trupore.

 

 

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë