Dënohet me 300 euro gjobë për rrezikim të trafikut publik

Raporton : Syzana REXHEPI

Gjilan – Sherife Bllaca e akuzuar për veprën penale “rrezikim i trafikut publik”, pas pranimit të fajësisë u dënua me 300 euro gjobë, si dhe shpenzimet e procedurës penale.

Shpallja e aktgjykimit u bë nga gjyqtari individual Islam Thaçi, të martën në Gjykatën Themelore në Gjilan.

Sherife Bllaca akuzohet se më 26 korrik 2014, duke e drejtuar automjetin ka rrezikuar trafikun publik duke vënë në rrezik jetën e njerëzve dhe pasurinë e tyre, dhe duke vepruar në kundërshtim me nenin 150/1 të Ligjit për Sigurinë e Komunikacionit Rrugor të Kosovës.                                                          Gjatë afrimit të vendkalimit për këmbësorë, duhet të ushtroj kujdes të veçantë dhe ťi jep përparësi këmbësorit.

Mirëpo e pandehura nga pakujdesia me pasqyrën e automjetit e godet këmbësoren në krahun e majtë tani të dëmtuarën Afërdita Ismajli në momentin kritik ishte duke kaluar rrugën, e cila për shkak të lëndimeve të lehta trupore ka kërkuar ndihmë në Spitalin Regjional të Gjilanit.

 

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë