DËNOHET ME 300 EURO GJOBË PËR MOSPËRFILLJE TË GJYKATËS

Raporton: Verona KADRIU

Ferizaj – F. H. i akuzuar për veprën penale “mospërfillja e gjykatës” është dënuar me gjobë prej 300 eurove. Tani i dënuari me aktgjykimin e shpallur po ashtu u obligua që të paguajë paushallin gjyqësor në shumë prej 50 euro.

I pandehurit akuzohej për veprën penale “mospërfillja e gjykatës” nga neni 401 paragrafi 1 të Kodit Penal të Republikës së Kosovës, sepse më 5 gusht 2013, rreth orës 15:20, në Shtime, nuk e ka zbatuar aktvendimin për urdhër mbrojtje. Ky aktvendim ishte lëshuar nga Gjykata Themelore në Ferizaj, duke urdhëruar që bashkëshortja dhe dy vajzat e tij, të lejoheshin të ktheheshin dhe të shfrytëzonin shtëpinë në Shtime. Por përkundër vërejtjeve që t’i lejoj të hyjnë në shtëpi i njëjti nuk i është bindur urdhrit.

Pas leximit të aktakuzës nga ana e prokurorit të shtetit Visar Musa, i pandehuri e pranoi fajësinë për veprën penale që i ngarkohej.

Shpallja e aktgjykimit është bërë nga gjykatësja individuale e çështjes, Hakile Ilazi, të enjten në Gjykatën Themelore në Ferizaj.

 

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë