Dënohen me 11 vjet burgim dhe 2 mijë euro gjobë dy të akuzuarit për vjedhje grabitqare

Raporton: Adelina Ajeti

Gjilan- Gjykata Themelore në Gjilan ka shpall aktgjykim dënues ndaj të akuzuarve Rr. A. dhe A. Sh., për veprën penal vjedhje grabitqare.

Lajmi është bërë i ditur nga një komunikatë për media, nga Gjykata Themelore në Gjilan, raporton “Betimi për Drejtësi“.

Të akuzuarit me datë 30.05.2020, në ora 02:30 minuta, në rrugën “Adem Jashari” në Komunë e Vitisë në bashkëveprim kanë kryer vjedhje grabitqare në SHPT “Dunhill”, fillimisht thyejnë drynin e derës së kioskës, hynë në kioske dhe nga aty marrin te gjitha llojet e cigareve të ndryshme, e pastaj i vendosin në veturën e markës “Volvo”, duke hyrë në veturë, vjen patrulla e policisë dhe me qëllim që pasurinë e vjedhur ta mbajnë ushtrojnë kanosje ndaj policisë duke shtënëme revole dhe në këtë mënyrë arrijnë të i’u shmangen policisë, por për shkak të një defekti të automjetit e lënë këtë veturën me cigare në hyrje të fshatit Drobesh dhe i shmangen policisë, duke u larguar nga aty dhe duke marr-vjedhur pastaj një veturë tjetër të markës Golf V në një shtëpi tjetër dhe duke ikur me këtë veturë iu shmangen përfundimisht kapjes nga policia.

Me këto veprime, të akuzuarit në bashkëveprim kanë kryer veprën penale  vjedhje grabitqare, vepër e sanksionuar me Kodin Penal të Republikës së Kosovës (KPRK).

Trupi gjykues i Departamentit të Krimeve të Rënda, pas shtjellimit të gjitha provave dhe dëgjimit të dëshmitarëve, të akuzuarve u ka shqiptuar dënim në kohëzgjatje prej 5  vjet e 6 muaj burgim dhe dënim me gjobë në shumën prej 1 mijë euro, për secilin të akuzuar.

Gjykata ka nxjerrë vendim duke i vazhduar masën e paraburgimit të akuzuarve deri në plotfuqishmëri të aktgjykimit.

Palët e pakënaqura kanë të drejt ankese kundër këtij aktgjykimi në Gjykatën e Apelit. /BetimipërDrejtësi

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë