DËNOHET ME 1000 EURO GJOBË PËR RREZIKIM TË TRAFIKUT PUBLIK

Raporton: Syzana REXHEPI

Gjilan – Përparim Rrustemi i akuzuar për veprën penale ‘rrezikim i trafikut publik’, u dënua me gjobë në shumën prej 1000 eurove. Shpallja e aktgjykimit u bë të enjten, në Gjykatën Themelore në Gjilan.

Ky proces gjyqësor u zhvillua në bazë të aktakuzës  së ngritur nga Prokuroria Themelore në Gjilan, ku i akuzuari Përparim Rrustemi ngarkohet për veprën penale ‘rrezikim i trafikut publik’. Nga pakujdesi dhe në kundërshtim me dispozitat ligjore të parapara në nenin 54.5, të Ligjit për Sigurinë e Komunikacionit Rrugor të Kosovës, nuk e ka përshtatur shpejtësinë e lëvizjes së automjetit, ku e ka goditur këmbësoren F.A., e cila ishte duke kaluar rrugën nga ana e majtë në të dajthtë, me ç’rast i ka shkaktuar lëndim të lehtë trupor.

Shqyrtimi i së enjtës  ndaj të akuzuarit Përparim Rrustemi, ishte shqyrtim fillestar, në të cilin i akuzuari menjëherë pas leximit të aktakuzës nga ana e prokurores Huma Jetishi, pranoi fajësinë.

Pas deklarimit të të akuzuarit, prokurorja Huma Jetishi pranoi pranimin e fajësisë nga i akuzuari dhe kërkoi nga gjykata që të njëjtin ta shpall fajtor për  veprën penale kryer dhe atij t’i shqiptohet sanksion penal i paraparë me ligj.

Në këtë shqyrtim gjithashtu e pranishim ishte edhe  e dëmtuara F.A. e cila tha se me të akuzuarin janë pajtuar dhe nuk kanë asnjë mos marrëveshje. Ndërsa tha sa për dënimin e të akuzuarit të vendos gjykata.

Pas kësaj gjykatësi i çështjes Behar Ymeri mori aktvendim me të cilin pranoi pranimin e fajësisë të të akuzuarit Rrustemi,të cilin e shpalli fajtor dhe dënoi me është dënuar me gjobë në shumën prej 1000 eurove.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë