BOBAN BOGDANOVIQ I AKUZUAR PËR KEQPËRDORIM TË POZITËS ZYRTARE DEKLAROHET I PAFAJSHËM

Raporton: Diana BERISHA

Gjilan – Boban Bogdanoviq i akuzuar për keqpërdorim të pozitës zyrtare wshtw  deklaruar i pafajshëm në seancën e shqyrtimit fillestar, tw mbajtur, të enjtën në Gjykatën Themelore në Gjilan.

Ky proces gjyqësor zhvillohet në bazë të aktakuzës së ngritur nga prokurori Arben Kadriu, i cili akuzon Boban Bogdanoviq, zyrtar për furnizim të mallit sanitar në Komunën e Kllokotit për keqpërdorim të pozitës zyrtare, pasi sipas aktakuzës, Bogdanoviq gjatë periudhës së vitit 2013, duke e shfrytëzuar detyrën e tij zyrtare me qëllim të përfitimit të çfarwdo dobie për vete ose për personin tjetër, nuk i kishte kryer detyrat e domosdoshme  për të cilat kishte qenë i detyruar t’i ndërmarrë. Ai kishte pranuar mallin nga kontraktuesi NTP “Ermali Com” dhe obligimin që të njëjtën dërgesë ta autorizojë për në destinacionin e caktuar, Bogdanoviq nuk posedon mbulesë se ku i ka dërguar mallërat të pranura sipas fletëdërgesave në vlerë prej 5013.00, dëm ky i shkaktuar Komunës së Kllokotit

Prokurori Kadriu tha se për ta ndriçuar këtë rast, ai kishte nxjerrë edhe aktvendim për angazhimin e ekspertit në mënyrë që i njëjti të jap mendimin profesional lidhur me vërtetimin e provave faktike.

Seancën e përmbylli gjyqtari i vetëm i trupit gjykues Agim Ademi, duke e njoftuar të akuzuarin Boban Bogdanoviq se ka të drejtën e kundërshtimit të aktakuzës dhe provave deri në caktimin e shqyrtimit dytësor.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë