“Betimi për Drejtësi” debaton drejtpërdrejtë për mos-luftimin e korrupsionit të nivelit të lartë

“Betimi për Drejtësi”

Ndiqeni sonte drejtpërdrejtë emisionin “Betimi për Drejtësi” për mos-luftimin e korrupsionit të nivelit të lartë. Cila është performanca e sistemit të drejtësisë në luftimin e korrupsionit të nivelit të lartë? Pse një numër i madh i zyrtarëve të lartë të shtetit nuk e kanë deklaruar pasurinë? Nuk kanë çfarë të deklarojnë apo po e fshehin pasurinë e tyre? Cilat janë rezultatet konkrete të Prokurorisë Speciale të Republikës së Kosovës, e cila ka mandat ekskluziv në luftimin e korrupsionit të nivelit të lartë? Sa po zbatohet Plani i Veprimit të Sistemit Prokurorial për zgjidhjen e rasteve të korrupsionit? A janë rastet e korrupsionit, të cilat janë në punë, reprezentative për korrupsionin e vërtetë, i cili zhvillohet në Kosovë? Çfarë veprimesh konkrete po merren nga institucionet e drejtësisë dhe agjencitë që e zbatojnë ligjin për ta luftuar korrupsionin e nivelit të lartë? Pse nuk ka konfiskim të pasurive të paligjshme ?

Për të diskutuar për mungesën e rezultateve konkrete në luftimin e korrupsionit të nivelit të lartë dhe konfiskimin e pasurive të paligjshme, sonte kam ftuar mysafirët e mi, të cilët janë:

Hasan Preteni
Agjencia Kundër Korrupsionit

Ariana Qosaj Mustafa
KIPRED

Ali Rexha
Prokuroria Speciale e Republikës së Kosovës

Si zakonisht, do të ndiqni tre prej personave më të kërkuar prej organeve policore, në rubrikën e rregullt “Në Kërkim”.

“Betimi për Drejtësi”, sonte drejtpërdrejtë prej orës 20:30 minuta në RTK1, ndërsa repriza të enjten në mesditë.

“Betimi për Drejtësi” çdo të mërkurë, prej orës 20:30 minuta në RTK1.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë