Arrestohet shtetasi i huaj në ANP “Adem Jashari”, dyshohet se po udhëtonte me dokument të falsifikuar

Raporton: “Betimi për Drejtësi”

Prishtinë- Policia e Kosovës (PK) njofton se në Aeroportin Ndërkombëtar të Prishtinës “Adem Jashari”, është arrestuar një shtetas i huaj, nën dyshimin se i njëjti po udhëtonte me dokument të falsifikuar.

Lajmi u bë i ditur përmes raportit 24 orësh të policisë, ku thuhet se rasti ka ndodhur të martën rreth orës 11:30, raporton “Betimi për Drejtësi“.

“Është arrestuar  i dyshuari  mashkull Shtetas i huaj, i cili ka qenë duke udhëtuar me dokument të falsifikuar të lëshuar nga një shtet tjetër”, thuhet në njoftim.

Sipas policisë, i njëjti me vendim të prokurorit është dërguar në mbajtje, kurse rasti është në procedurë hetimore. /BetimipërDrejtësi

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë