Arrestohet i dyshuari për përleshje fizike në Vushtrri

Raporton: “Betimi për Drejtësi”

Vushtrri- Policia e Kosovës (PK) njofton se ka arrestuar një person nën dyshimin për përleshjen e ndodhur në rrugën “Bedri Pejani” në Vushtrri.

Lajmi u bë i ditur përmes një njoftimi nga policia, ku thuhet se si pasojë e përleshjes, dy persona-viktima kanë kërkuar tretman mjekësor, raporton “Betimi për Drejtësi”.

“Në orët e mbrëmjes së datës 14 qershor 2022, në Stacionin Policor në Vushtrri, është raportuar dhe është iniciuar një rast me elemente të veprës penale ‘lëndim i rëndë trupor’. Nga hetimet fillestare, bëhet e ditur se si pasojë e një përleshje e ndodhur në rrugën ‘Bedri Pejani’ në Vushtrri, dy persona – viktima kanë kërkuar tretman mjekësor”, thuhet në njoftim.

Sipas policisë, lidhur me rastin janë ndërmarrë veprime të nevojshme hetimore, me ç’rast është identifikuar dhe është arrestuar një person i dyshuar, ndërsa në cilësi të provës materiale nga i njëjti është sekuestruar një (shufër metali).

“Rasti është iniciuar dhe po hetohet si vepër penale ‘lëndim i rëndë trupor’. Ndërsa pas intervistimit të dyshuarit i është caktuar masa e ndalimit policor”, thuhet në njoftim. /BetimipërDrejtësi

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë