Akuzohen dy motra për keqpërdorim të buxhetit prej 700 eurove

Raporton: Lutfi MORINA

Prizren, 10 shkurt 2016 – Të  mërkurën, në Gjykatën Themelore në Prizren, ishte paraparë të mbahej seanca e radhës ndaj të akuzuarave Myvedete Gavazaj dhe Shpresa Hasanaj-Kryeziu, të cilat akuzohen për keqpërdorim të pozitës zyrtare, por seanca nuk është zhvilluar për shkak se dëshmitarët e paraparë për këtë seancë nuk e kanë pranuar ftesën e gjykatës. Kryetari i trupit gjykues, Skender Çoçaj ka njoftuar se gjykata ka vendosur që seanca të shtyhet për 22 shkurt 2016.

Prokuroria Themelore në Prizren akuzon Myvedete Gavazaj dhe Shpresa Hasanaj-Kryeziu, se ato kanë përdorur lidhjen e tyre familjare, pasi që janë motra, për të përfituar të mira materiale, në mënyrë të paligjshme, në atë mënyrë që e akuzuara Shpresa Hasanaj-Kryeziu si profesoreshë në shkollën e mesme ekonomike në Prizren, për një periudhë prej tre muajsh, nuk i ka mbajtur disa orë mësimore, ndërsa e akuzuara tjetër Myvedete Kavazaj si drejtoreshë e të njëjtës shkollë e ka lejuar të ndodhë një parregullsi e tillë. Prokuroria pretendon se të akuzuarat, duke keqpërdorur detyrën i shkaktuar buxhetit të shtetit dëm në vlerë prej 700 eurosh.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë