Aktakuzë ndaj burrit që dyshohet se e vrau bashkëshorten në Llaushë të Skenderajt

Raporton: “Betimi për Drejtësi”

Mitrovicë – Prokuroria Themelore në Mitrovicë ka ngritur aktakuzë ndaj të pandehurit S.Q., që dyshohet për vrasjen e bashkëshortes L.Q., nga fshati Llaushë i Skenderajt.

Siç njoftoi Prokuroria, i pandehuri akuzohet edhe për tri vepra tjera penale, raporton “Betimi për Drejtësi”.

“Po ashtu, i pandehurit S.Q., me aktakuzë ngarkohet edhe për kryerjen e veprave penale “Mbajtja në pronësi, kontroll ose posedim të paautorizuar të armëve“ nga neni 366 paragrafi 1 të KPRK, “Lëndimi i lehtë trupor“ nga neni 185 paragrafi 3 lidhur me paragrafin 2 dhe 1 pika 1.4 të KPRK, si dhe “Dhuna në familje“, nga neni 248 paragrafi 1 të Kodit Penal të Republikës së Kosovës”, thuhet në njoftimin e Prokurorisë.

Prokurori i Shtetit, i ka propozuar Gjykatës Themelore në Mitrovicë, që të pandehurin t’a shpallë fajtorë për veprat e kryera penale dhe ta dënojë sipas ligjit.

Ndryshe, i akuzuari dyshohet se më 5 janar të këtij viti e ka kryer vrasjen./BetimipërDrejtësi

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë