“A e din që të mbyti, vi te shpija”, deklarohet i pafajshëm i akuzuari për kanosjen e një personi

Raporton: Arbenita RRAHMANI

Lipjan- I akuzuari L.H është deklaruar i pafajshëm se në dhjetor të viti të kaluar pas një mosmarrëveshje, me qëllim të frikësimit kishte dashur ta goditste të dëmtuarin H.P me shufër hekuri dhe e kishte kanosur me fjalët “A e din që të mbyti, vi te shpija”.

Deklarimin rreth fajësisë, i akuzuari e bëri në seancën e shqyrtimit fillestar të mërkurën në Gjykatën Themelore në Prishtinë, dega në Lipjan, pas leximit të aktakuzës nga prokurori Besnik Jakupi, raporton “Betimi për Drejtësi”.

Gjatë deklaratës së tij, i akuzuari H. ka thënë se nuk e ndjen veten fajtor dhe nuk e pranon fajësinë.

Pas kësaj, gjykatësi Avdirrahman Gashi të njëjtin e ka njoftuar se deri në shqyrtimine dytë mund të bëjë kundërshtimet për provat e cekura në aktakuzë, kërkesë për hudhje të aktakuzës nëse e njëjta është e ndaluar ligjërisht dhe kërkesë për hudhje të aktakuzës për shkak të mospërshkrimit të veprës penale sipas ligjit.

Shqyrtimi i dytë u caktua më 25 korrik 2022.

Sipas aktakuzës së ngritur më 28 janar 2022, i akuzuari L.H ngarkohet se më 16 dhjetor 2021, në rrugën “Lumbardhi” në fshatin Kojskë, Komuna e Lipjanit, pas një mosmarrëveshje të atëçastshme, me qëllim të frikësimit, i pandehuri ka dashur ta godas të dëmtuarin H.pme një shufër hekuri rreth një metër.

Tutje, sipas aktakuzës, përveç që e ka fyer, e ka kanosur me fjalët “a e din që të mbyti, vi te shpija”, me ç’rast tek i dëmtuari ka shkaktuar ndjenjë të frikës.

Me këtë, iakuzuari L.H po ngarkohet me kryerjen e veprës penale “Kanosje” nga neni 181, paragrafi 2 të Kodit Penal, e dënueshme me gjobë dhe burgim deri në një vit. /BetimipërDrejtësi

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.

Ky website përdor cookies për të përmirësuar përvojën tuaj. Ne do të supozojmë se jeni mirë me këtë, por ju mund të hiqni dorë nëse dëshironi. Prano Lexo më shumë