40 ditë paraburgim për Fjolla Morinën, nga Shqipëria iku pasi ishte dënuar me 6 vite burgim për trafikim me armë

Fjolla Morina
Author

Raporton: Albijona Hoxhaj

Korrik 21, 2021

Prishtinë – Mbi dyshimin për trafikim më armë dhe arratisja nga vendi i paraburgimit, Fjolla Morinës i është caktuar masa e paraburgimit prej 40 ditësh nga Gjykata Themelore në Prishtinë, Departamenti i Krimeve të Rënda.

Masa e paraburgimit do llogaritet prej momentit kur Morina është arrestuar me 17 korrik 2021.

Këtë vendim e mori të mërkurën gjykatësi i procedurës paraprake, Agim Kuçi, në prezencën e prokurores Javorka Prilincevic, të pandehurës Fjolla Morina me mbrojtësit të saj, avokates Fehmije Gashi-Bytyqi dhe avokatit Fanol Krasniqi si mbrojtës kryesor, raporton “Betimi për Drejtësi”.

Fjolla është e shpallur në kërkim ndërkombëtar nga Interpoli, pasi mbi të rëndon akuza për trafikim të armëve dhe municionit në Shqipëri.

Morina ishte shpallur në kërkim më 21 prill 2021, një muaj pasi gjykata e Kukësit e dënoi me 6 vite burgim për “trafik të armëve dhe municionit”.

Arrestimi i Fjolla Morinës u bë në shtator të vitit të shkuar, në pikën e kalimit kufitar në Morinë, ku këngëtares iu gjet një armë zjarri e tipit “Zoraki” me 23 fishekë.

Ajo është justifikuar përballë oficerit të Krimeve se i ndërronte çantat e dorës shpeshherë dhe se nuk e dinte çfarë kishte brenda saj.

Bashkë me Morinën ishte arrestuar edhe biznesmeni Fisnik Syla, me të cilin këngëtarja ishte martuar gjatë kohës kur po kërkohej nga INTERPOL-i./BetimipërDrejtësi